Leikur að læra (LAL)

Í október 2017 fékk Garðasel viðurkenningu sem Leikur að læra skóli, eftir árs innleiðingu. Leikur að læra er kennsluaðferð þar sem öll kennsla er hugsuð út frá þörfum barna til að leika og hreyfa sig og upplifa námsefnið i gegnum mismunandi skynfæri. Leikur að læra er að mestum hluta kennarastýrður þar sem frjálsi leikurinn fær sitt rými.

Kennsluaðferðin gengur út á að kenna börnum á aldrinum tveggja til tíu ára öll bókleg fög í gegnum leiki, hreyfngu og skynjun á skipulagðan, líflegan og árangursríkan hátt. Leikur að læra er ekki ein bók, eitt spil eða ein námsgrein. Leikur að læra er kennslustíll. Kennari sem hefur tileinkað sér kennsluhætti LAL fer að hugsa námsefnið út frá öðru sjónarhorni – frá sjónarhorni barna og þörf þeirra til að hreyfa sig. Með því að nota kennsluaðferð LAL höfum við áhrif á andlega og líkamlega heilsu nemenda okkar til framtíðar. Þau venjast því að standa upp og hreyfa sig reglulega og sjá að það er viðurkennt að
við lærum á mismunandi hátt.

Leikur að læra: ForeldraverkefniÁ leið inn er örverkefni sem er unnið í samvinnu við foreldra á morgnana 2x í viku í ákveðinn tíma. Markmiðið er að gera foreldra meðvitaða um það hvaða vitsmunalegu og líkamlegu þætti er verið að vinna að í skólanum hverju sinni og auka enn frekar jákvæð samskipti milli foreldra og starfsfólks. Leikur að læra leggur mikið upp úr góðu samstarf við foreldra.

© 2016 - 2018 Karellen